2025-yil 5-mart kuni Prezident Shavkat Mirziyoyev raisligida o‘tkazilgan yig‘ilishda korrupsiyaning oldini olish bo‘yicha belgilab berilgan eng muhim vazifa va maqsadlar:
▫️Korrupsiyaga qarshi kurashish hududiy kengashlari tarkibi to‘liq yangilanib, ularga viloyat xalq deputatlari kengashi raislari rahbarlik qiladi;
▫️Sog‘liqni saqlash, Qurilish, Suv xo‘jaligi vazirliklari, “O‘zbekneftgaz” va “O‘zsuvta’minot”ning komplayens-nazorat tuzilmasi Korrupsiyaga qarshi kurashish agentligiga o‘tkaziladi;
▫️Komplayens-nazorat tuzilmalari to‘g‘ridan to‘g‘ri birinchi rahbar bilan ishlaydi;
▫️Davlat idoralaridagi to‘g‘ridan to‘g‘ri xaridlar 2 karra qisqartiriladi;
▫️Davlat xaridlarida qonunga zid holatlarni sun’iy intellekt yordamida aniqlash va oldini olish bo‘yicha elektron tizim ishga tushiriladi;
▫️Davlat xaridlarida tovarlarning o‘rtacha bozor narxlari ko‘rinib turadigan elektron platforma yaratiladi;
▫️Byudjet va byudjetdan tashqari mablag‘ hisobidan asosiy vositalarni xarid qilish bo‘yicha talablar kuchaytiriladi;
▫️Investitsiya loyihalarida xalqaro korrupsiyaga qarshi standartlar joriy etiladi;
▫️Yirik auksion shartlarini raqobatdoshlik ekspertizasidan o‘tkazish yo‘lga qo‘yiladi;
▫️Davlat xizmatchilari reyestri shakllantiriladi;
▫️Kadrlarning korrupsiyaga moyilligini o‘rganish amaliyoti joriy qilinadi;
▫️Davlat idoralaridagi xizmat avtotransportlarini milliy avtomobillarga o‘tkazish choralari ko‘riladi;
▫️Davlat xizmatchilarining mol mulki va daromadlarini deklaratsiya qilish to‘g‘risida”gi qonun loyihasi jamoatchilik muhokamasiga qo‘yiladi;
▫️Noqonuniy boylik orttirganlik uchun jinoiy javobgarlik belgilanadi;
▫️Kiberkorrupsiyaga qarshi samarali kurashish bo‘yicha mustahkam huquqiy baza yaratiladi;
▫️Korrupsiyaviy jinoyatlarning aniq ro‘yxati, korrupsiyaviy jinoyatlarni fosh etishga yordam berganlarni rag‘batlantirishni nazarda tutuvchi qonun qabul qilinadi;
▫️Maktablarda “Tarbiya” fani doirasida halollik, birovni haqiga xiyonat qilmaslik kabi ezgu g‘oyalar sodda tilda tushuntirib boriladi;
▫️Talaba va yoshlarning korrupsiyaga qarshi loyihalari, startap va innovatsion tashabbuslarini qo‘llab-quvvatlash tizimi yo‘lga qo‘yiladi;
▫️Korrupsiyaga qarshi kurashish Virtual akademiyasida 2025-yilda 2 million aholi bepul o‘qitiladi.
▫️Nodavlat tashkilotlarining korrupsiyaga qarshi kurashishga oid loyihalarini qo‘llab-quvvatlashga har yili 10 milliard so‘mdan ajratib boriladi.
