Ayni paytda Toshkent shahri “Oʻzekspomarkazi”da bo‘lib o‘tayotgan “Automotive Industry Tashkent 2025” xalqaro ko‘rgazmasida dunyoning yetakchi kompaniyalari bilan B2B uchrashuvlar tashkil etilib, qo‘shma loyihalarni amalga oshirish, ilg‘or texnologiyalarni jalb etish va investitsiya yo‘nalishida keng qamrovli muzokaralar olib borilmoqda.
Shu jarayonda “Kelajak metallari texnoparki” loyihasi ham xalqaro hamkorlarda qiziqish uyg’otdi. B2B uchrashuvlarda xorijiy kompaniyalarni texnopark ishlab chiqarish maydonlariga jalb etish masalasi alohida muhokama qilindi.
Ushbu nufuzli ko‘rgazmada ishtirok etish, nafaqat istiqbolli sheriklarni topish va yangi hamkorlik imkoniyatlarini aniqlash, balki texnoparkning xalqaro maydondagi o‘rnini mustahkamlash, global sanoat integratsiyasida faol ishtirokini ta’minlashga xizmat qilmoqda.
