O‘zbekiston texnologik metallar kombinati tasarrufidagi Ingichka boyitish fabrikasini modernizatsiya qilish bo‘yicha loyihaning texnik-iqtisodiy asoslarini ishlab chiqish maqsadida muhim tadbir amalga oshirildi.
Loyihaviy jarayon doirasida “O‘ZGEORANGMETLITI" loyiha instituti mutaxassislari Ingichka boyitish fabrikasi hududiga tashrif buyurib, volfram texnogen chiqindilarining holati bilan tanishdilar.
Mutaxassislar volfram saqlovchi texnogen chiqindilarni joyida ko‘zdan kechirdilar, ularning tarkibi, hajmi va joylashuv xususiyatlarini o‘rgandilar.
Tadqiqot jarayonida zamonaviy geologik va texnologik tahlil usullaridan foydalanilib, muhim dastlabki ma’lumotlar olindi.
