“O‘zbekiston – AQSh” biznes forumi doirasida Toshkentda AQSh Xalqaro taraqqiyot moliya korporatsiyasi – DFCning Tashqi siyosat boshqarmasi vitse-prezidenti o‘rinbosari Betani Akvilina Brez boshchiligidagi delegatsiyasi bilan uchrashuv o‘tkazildi.
Unda O‘zbekiston tomonidan Tog‘-kon sanoati va geologiya vazirligi, Tiklanish va taraqqiyot jamg‘armasi hamda O‘zbekiston texnologik metallar kombinati vakillari ishtirok etdi.
Uchrashuv davomida tomonlar O‘zbekiston bilan DFC o'rtasida kritik minerallar sohasidagi hamkorlik istiqbollarini va bu yo'nalishdagi bir qator muhim tashabbuslarni ham muhokama qildilar.
Ma’lumot uchun, DFC — AQSh federal hukumati tasarrufidagi xalqaro moliya instituti. Uning faoliyati infratuzilma, kritik minerallar, energetika kabi sohalarini qamrab olib, DFCning umumiy investitsiya limiti 60 milliard AQSh dollarini tashkil etadi.
