“O‘zbekiston texnologik metallar kombinati” AJ xalqaro “SRK Consulting” kompaniyasi mutaxassislari bilan Jizzax viloyati, Zomin tumanidagi “Daykali” istiqbolli maydonida bo‘ldilar.
Safar davomida "O'zbek geologiya qidiruv" AJ bilan hamkorlikda maydonning geologik tuzilishi va mineral salohiyatini o‘rganish maqsadida birlamchi geologik ma’lumotlarni to‘plash va tahlil qilish ishlari olib borildi.
Ushbu maydonda titan minerali bo‘yicha izlanishlar o‘tkazilmoqda. Maydonning rivojlanish istiqbollari bo‘yicha keyingi amaliy qadamlar dastlabki xulosalar asosida belgilanadi.
