Xitoyning CITIC Construction kompaniyasining Sharqiy Yevropa va MDH mamlakatlari bo‘yicha departamenti bosh direktori Liang Jie boshchiligidagi delegatsiya O‘zTMKda bo‘ldi.
Uchrashuv davomida ikki tomonlama hamkorlikni mustahkamlash, texnologik metallar sanoatini yangi bosqichga olib chiqish maqsadida o‘zaro hamkorlik memorandumi imzolandi.
Shuningdek, ushbu hamkorlik orqali Navoiy viloyati Karmana tumani Texnopark hududida sulfat kislotasi ishlab chiqarish loyihasini amalga oshirish, loyihaga to‘g‘ridan to‘g‘ri investitsiya jalb qilish ham ko‘zda tutilgan.
