Bugun AQShning nufuzli investitsiya kompaniyalaridan biri SinoPowell Capital LLC delegatsiyasi O‘zTMKda bo‘ldi.
Uchrashuvda O‘zTMK faoliyati va investitsion loyihalari haqida taqdimot o‘tkazildi. Tomonlar kritik metallarni qazib olish va qayta ishlashda hamkorlik imkoniyatlari va investitsiya shakllari haqida fikr almashdilar.
Uchrashuv yakunida uzoq muddatli sheriklik va qo‘shma loyihalarni yo‘lga qo‘yish bo‘yicha muzokaralarni davom ettirishga kelishildi.
Ma'lumot uchun, SinoPowell Capital — konchilik, moliya va logistika sohalarida global tajribaga ega kompaniya bo‘lib, u AQShda faoliyat yurituvchi eng yirik investorlar safidan o‘rin olgan.
