💠 23–24-sentyabr kunlari Toshkent shahrida «Markaziy Osiyo – Yaponiya» tahlil markazlarining birinchi forumi bo‘lib o‘tdi. Tadbirda Markaziy Osiyo davlatlari, Yaponiya va Ozarbayjonning davlat idoralari, yetakchi tahlil markazlari, ilmiy-akademik va ishbilarmon doiralari vakillari qatorida O‘zbekiston texnologik metallar kombinati (TMK) vakillari ham ishtirok etdi.
💠 Forum doirasida «yashil» o‘tish, energetik xavfsizlik va kritik minerallar masalalariga bag‘ishlangan panel sessiyasi o‘tkazildi. Unda kritik mineral resurslardan samarali foydalanish, barqaror ta’minot zanjirlarini shakllantirish, ilg‘or texnologiyalarni joriy etish, sanoatni modernizatsiya qilish hamda investitsiyalarni jalb etish masalalari muhokama qilindi.
⚡️Muhokamalarda tabiiy resurslarni zamonaviy texnologiyalar asosida monitoring qilish, vodorod energetikasi, mahalliy qayta ishlash va texnologik hamkorlikni rivojlantirish masalalariga e’tibor qaratildi. Shuningdek, Markaziy Osiyo va Yaponiya o‘rtasidagi hamkorlikni investitsiya, texnologiya va qo‘shma ishlab chiqarish yo‘nalishlarida kengaytirish muhimligi ta’kidlandi.
💼 Mazkur forum TMK uchun Yaponiya tomoni bilan kritik minerallarni chuqur qayta ishlash, zamonaviy texnologiyalarni jalb etish, yuqori qo‘shilgan qiymatli ishlab chiqarishni rivojlantirish hamda barqaror ta’minot zanjirlarini shakllantirish bo‘yicha hamkorlik istiqbollarini muhokama qilish uchun muhim muloqot maydoni bo‘ldi.
