Bugun O‘zTMKda Buyuk Britaniya Tashqi savdo va investitsiyalar departamentining O‘zbekistondagi direktori Nikolas Altham va Buyuk Britaniya Eksport kredit agentligining Markaziy Osiyo bo‘yicha rahbar o‘rinbosari Sevara Madgaziyeva bilan uchrashuv bo‘lib o‘tdi.
Unda tomonlar texnologik metallar, geologik-qidiruv ishlarini moliyalashtirish borasidagi hamkorlik imkoniyatlarini muhokama qildilar.
Mehmonlar O‘zTMK faoliyati, investitsion yo‘nalishlar va loyihalari bilan yaqindan tanishib, kelgusida o‘zaro manfaatli hamkorlikni yo‘lga qo‘yish bo‘yicha o‘z takliflarini bildirdi.
Ma'lumot uchun, Buyuk Britaniya Tashqi savdo va investitsiyalar departamenti global savdo, investitsiya va biznes hamkorlik siyosatini amalga oshiruvchi nufuzli tashkilot hisoblanadi.
