O‘zbekiston texnologik metallar kombinati (TMK) bosh ofisida Fransiyaning yirik moliya institutlaridan biri Societe Generale banki vakillari bilan uchrashuv bo‘lib o‘tdi.
Muzokaralarda eksportoldi moliyalashtirish bitimi bo‘yicha yakuniy kelishuvga erishish va jarayonni jadallashtirish masalalari ko‘rib chiqildi.
Shuningdek, TMKning xalqaro kapital bozorlariga chiqishi, moliyalashtirish manbalarini diversifikatsiya qilish va investitsiya portfelini kengaytirish istiqbollari muhokama qilindi. Societe Generale banki ushbu yo‘nalishlarda amaliy ko‘mak ko‘rsatishga tayyorligini bildirdi.
Uchrashuv yakunida eksportoldi moliyalashtirish bitimining asosiy shartlarini belgilovchi Term Sheet hujjati imzolandi. Bu yakuniy kredit shartnomasini rasmiylashtirish uchun zarur shartlarni kelishish jarayonidagi muhim bosqich hisoblanadi.
Mazkur hamkorlik TMKning xalqaro moliya institutlari bilan aloqalarini mustahkamlash, tashqi moliyalashtirish imkoniyatlarini kengaytirish hamda eksport salohiyatini oshirishga xizmat qiladi.
#TMK #SocieteGenerale #EksportoldiMoliyalashtirish #XalqaroHamkorlik #XalqaroMoliya #Investitsiya #KapitalBozori #TermSheet #EksportSalohiyati
