Islomobod shahrida o‘tkazilayotgan O‘zbekiston–Pokiston Biznes Forumi hamda “Made in Uzbekistan” ko‘rgazmasida O‘zbekiston texnologik metallar kombinati (TMK) ishtirok etmoqda.
Mazkur nufuzli xalqaro platforma savdo-iqtisodiy hamkorlikni kengaytirish, investitsiya muhitini rivojlantirish va sanoat kooperatsiyasini chuqurlashtirishga qaratilgan.
TMKning ushbu tadbirdagi ishtiroki O‘zbekistonning global sanoat maydonida innovatsiya, texnologiya va uzoq muddatli sanoat hamkorliklariga tayangan yangi bosqichga chiqayotganini ifodalaydi.
