Xitoy Xalq Respublikasining sanoat, tog‘-kon, logistika, moliya, farmatsevtika va biologiya yo‘nalishlarida faoliyat yurituvchi 27 ta yetakchi kompaniya rahbarlaridan iborat delegatsiya O‘zbekistonga rasmiy tashrif buyurdi.
Tashrif doirasida O‘zbekiston texnologik metallar kombinati va delegatsiya vakillari o‘rtasida hamkorlikka yo‘naltirilgan uchrashuv bo'lib o'tdi.
Uchrashuvda Xinjiang SanBao Trade-Industry Corporation, Shanghai Guohua Asset Management, Zhejiang Sailing Yueyou Investment Management kabi Xitoyning nufuzli kompaniyalari rahbarlari ishtirok etdi.
Dastlab delegatsiya a'zolari bilan TMK faoliyati, istiqbolli loyihalari haqida keng qamrovli taqdimot namoyish etildi.
Shuningdek, uchrashuv davomida:
🔘Texnologik metallar bo‘yicha qo'shma investitsiyaviy loyihalar;
🔘Yangi geologik-qidiruv ishlari uchun hamkorlik mexanizmlari;
🔘Kritik metallarni chuqur qayta ishlash bo‘yicha texnologiyalarni jalb etish;
🔘Logistika va eksportni kengaytirish masalalari ko‘rib chiqildi.
Uchrashuv yakunida tomonlar o‘zaro manfaatli hamkorlikni bosqichma-bosqich rivojlantirish, tajriba va resurslar almashinuvi asosida qo‘shma loyihalarni amalga oshirish bo‘yicha kelishuvlarga erishdilar.
