“O‘zbekiston texnologik metallar kombinati” AJ delegatsiyasi xizmat safari doirasida Xitoy Xalq Respublikasida bo‘lib turibdi. Tashrif davomida delegatsiya a’zolari sanoat sohasidagi yetakchi kompaniyalardan biri — “CITIC Construction” korxonasi faoliyati bilan yaqindan tanishdilar.
Uchrashuvlar chog‘ida ikki tomonlama hamkorlik doirasida muhim kelishuvga erishildi. Xususan, “O‘zbekistan TМК” AJ va “CITIC Construction” kompaniyasi o‘rtasida sulfat kislotasi ishlab chiqarish zavodini qurish loyihasini amalga oshirish bo‘yicha EPC (Engineering, Procurement, Construction – loyihalash, jihozlash va qurilish) shartnomasi imzolandi.
Ushbu loyiha doirasida zamonaviy texnologiyalar asosida ekologik xavfsiz, samaradorligi yuqori ishlab chiqarish quvvatini tashkil etish ko‘zda tutilgan.
Mazkur tashrif “O‘zTМК” AJ tomonidan olib borilayotgan xalqaro hamkorlik strategiyasining navbatdagi muhim qadami bo‘lib, texnologik metallar sanoatida barqaror rivojlanish va innovatsion yechimlarga sodiqlikni yana bir bor tasdiqlaydi.
_1745294935.jpg)
_1745294934.jpg)
_1745294934.jpg)
_1745294935.jpg)
_1745294935.jpg)
