“InnoWeek–2025” doirasida bo‘lib o‘tgan “Startaplarni qo‘llab-quvvatlash ekotizimini rivojlantirish: muammolar va imkoniyatlar” mavzusidagi panel sessiyada asosiy spiker sifatida TMK Boshqaruv raisining ilm-fan va rivojlanish bo‘yicha o‘rinbosari Amir Abidov ishtirok etdi.
Unda startaplarni korporatsiyalarga integratsiya qilishdagi muammoli masalalar ko‘rib chiqildi. Startap va korporatsiyalarda boshqaruv farqlari, hujjatlashtirish va strategik yo‘nalishlarga yondashuvlar, venchur moliyalashtirish turlari muhokama qilindi.
Amir Abidov oʻz taqdimotida TMK tomonidan barpo etilayotgan R&D ekotizim, R&D park va texnoparklar, nano analitik laboratoriya, O‘zbek-Koreys nodir metallar markazi, Texnologik metallar oliy maktabi haqida batafsil ma’lumot berdi.
Shuningdek, TMK tomonidan startap korxonalar uchun beriladigan imtiyozlar va imkoniyatlar, korporativ aksellerator, inkubator, korporativ venchur moliyalashtirish, olimlarga SCI (Science Citation Index) nashrlarida chop etilgan maqolalari uchun beriladigan mukofotlarga toʻxtalib oʻtdi.
Xalqaro innovatsiyalar haftaligining eng muhim voqealari va qaynoq jarayonlarni biz bilan birga kuzatib boring!
