O‘zbekiston texnologik metallar kombinati va Markaziy Osiyo sun’iy intellekt assotsiatsiyasi o‘rtasida hamkorlik uchrashuvi bo‘lib o‘tdi.
Unda tomonlar faoliyat yo‘nalishlari bilan yaqindan tanishib, o‘zaro hamkorlikning istiqbollarini keng muhokama qildilar.
Jumladan:
- Geologiya-qidiruv jarayonlarini sun’iy intellekt orqali tahlil qilish orqali yerosti boyliklarini aniqlashda samaradorlik va aniqlikni keskin oshirish;
- TMKning innovatsion kutubxonasida ilg‘or tajribalarni jamlashda raqamli texnologiyalardan foydalanish;
- HSE tashabbuslarini ilgari surishda AI imkoniyatlarini qo‘llash;
- Sun’iy intellekt yordamida situatsion markazga kelib tushadigan ma’lumotni tahlil qilish asosida zarur boʻlgan choralarni koʻrish kabi mavzular muhokama markazida boʻldi.
🌍 Ushbu hamkorlik sun’iy intellekt texnologiyalarini ishlab chiqarish, ilmiy-tadqiqot va ekologik mas’uliyat sohalariga joriy etishda muhim ahamiyat kasb etishi kutilmoqda.
Oldinroq Markaziy Osiyo sun’iy intellekt assotsiatsiyasi raisi Vladimir Norov: “Sun’iy intellekt — bu katalizator, faqat biz keyingi 10 yillikni oldindan o‘ylab harakat qilishga tayyor bo‘lgan taqdirdagina”, degan edi oʻzining kamyob yer elementlarini qidirish va qayta ishlash jarayonlariga sun’iy intellektni joriy etish haqidagi nutqida.
