Xitoy bugungi kunda dunyoning eng yirik foydali qazilmalar iste’molchisi va ishlab chiqaruvchisi hisoblanadi. Shu jihatdan Xitoy tajribasi O‘zbekistondagi yangi avlod kon loyihalarini tezroq va samarali amalga oshirishga xizmat qiladi.
O‘zbekiston respublikasi Tog‘-kon sanoati va geologiya vazirligi hamda Xitoy tadbirkorlarining O‘zbekistondagi savdo palatasi tomonidan Toshkent shahrida tashkil etilgan “O‘zbekiston–Xitoy yashil foydali qazilmalar forumi” doirasida TMK ofisida Xitoyning yetakchi sanoat kompaniyalari delegatsiyasi bilan uchrashuv o‘tkazildi.
Uchrashuvda konchilik, qayta ishlash, uskunalar ishlab chiqarish va "yashil" texnologiyalar sohalarida faoliyat yuritayotgan qirqqa yaqin xitoylik nufuzli rahbar va mutaxassislar ishtirok etdi.
Uchrashuv davomida TMK faoliyati va amalga oshirilayotgan yirik loyihalar bo‘yicha batafsil taqdimot o‘tkazildi. Mazkur loyihalar doirasida konchilikdan tortib qayta ishlashgacha bo‘lgan turli yo‘nalishlarda keng ko‘lamli hamkorlik imkoniyatlari mavjudligi ta’kidlandi.
Xitoy kompaniyalari vakillari TMK faoliyatiga katta qiziqish bildirdi va tomonlar o‘rtasida loyihalar hamda istiqbolli hamkorlik yo‘nalishlari yuzasidan ochiq muloqot olib borildi.
Uchrashuv yakunida TMK bilan yaqindan hamkorlik o‘rnatishga qiziqish bildirgan kompaniyalar bilan alohida muzokaralar o‘tkazishga kelishildi.
_1753783820.jpg)
_1753783820.jpg)
_1753783821.jpg)
_1753783821.jpg)
_1753783821.jpg)
