OʻzTMK va dunyoning yetakchi konsalting kompaniyalaridan biri Boston Consulting Group vakillari bilan uchrashuv bo'lib o'tdi. Unda BCG tomonidan "Sanoat uchun muhim minerallar ishlab chiqarish hajmini kengaytirish strategiyasi" taqdim etildi.
Strategiya Oʻzbekistonda muhim minerallar ishlab chiqarishni 5 bosqichli reja asosida yoʻlga qoʻyish va sohani tizimli rivojlantirishni maqsad qilgan. Uchrashuvda mazkur strategiyaning samaradorligi va istiqbollari o‘rganib chiqilib, kelgusidagi hamkorlik masalalari bo'yicha fikr-mulohazalar bildirildi.
Ma’lumot uchun, BCG jahonning eng yirik strategik konsalting tashkilotlaridan biri bo‘lib, dunyo bo‘ylab yetakchi kompaniyalarga strategik maslahatchi sifatida xizmat koʻrsatadi.
