“O‘zbekiston texnologik metallar kombinati” AJ Xalqaro Magniy Assotsiatsiyasi (IMA) bilan ilk onlayn uchrashuvni muvaffaqiyatli tashkil etdi.
Uchrashuvda Assotsiatsiyaning Yevropadagi rasmiy vakili, Yevropa qo‘mitasining sobiq raisi hamda kritik xomashyo materiallari bo‘yicha 30 yillik xalqaro tajribaga ega mutaxassis Doktor Martin Touber, shuningdek, kon muhandisligi sohasida 40 yildan ortiq tajribaga ega muhandis Mehmet Ilhan Goknel ishtirok etdi.
Shuningdek, xorijiy mutaxassislarga TMKning faoliyat yo‘nalishlari, texnologik salohiyati va mavjud infratuzilmasi haqida batafsil ma’lumot taqdim etildi.
Xorijiy ekspertlar TMK imkoniyatlarini yuqori baholagan holda, o‘zaro manfaatli hamkorlik istiqbollarini qayd etdilar. Tomonlar maslahatlashuv jarayonlarini tashkil etish, istiqbolli loyihalarni amalga oshirish va sohadagi ilg‘or kompaniyalarni jalb qilish maqsadida yo‘l xaritasini birgalikda ishlab chiqishga kelishib oldilar.
