O‘zbekiston texnologik metallar kombinati va Xitoyning yirik sanoat va muhandislik kompaniyasi Sumec International Technology o‘rtasida uchrashuv bo‘lib o‘tdi.
Dastlab TMKning faoliyati va yaqin istiqbolda rejalashtirgan yirik investitsion loyihalari taqdimoti namoyish etildi.
Uchrashuv davomida mehmonlar TMK bilan moliyaviy, savdo-iqtisodiy va texnologik yo‘nalishlarda hamkorlik qilish bo‘yicha bir qator takliflarni ilgari surdi, jumladan:
🔘investitsiya loyihalarini moliyaviy qo‘llab-quvvatlash;
🔘xalqaro bozorga chiqishni rag‘batlantirish,
🔘infratuzilmaviy va innovatsion tashabbuslarni birgalikda amalga oshirish masalalari ko‘rib chiqildi.
Uchrashuv yakunida tomonlar o‘zaro manfaatli yo‘nalishlar bo‘yicha hamkorlikni davom ettirishga tayyor ekanliklarini bildirdilar.
Ma'lumot uchun, “Sumec International Technology Co., Ltd.” – sanoat uskunalari, EPC loyihalar, eksport-import operatsiyalari va texnologiya transferi sohalarida faoliyat yurituvchi yirik kompaniya.
_1747991426.jpg)
_1747991427.jpg)
