14–15 may kunlari Toshkent viloyati Ohangaron shahrida mamlakatimiz sanoat salohiyati, ishlab chiqarish kooperatsiyasi hamda tog‘-kon va metallurgiya tarmoqlari rivojiga bag‘ishlangan “Milliy sanoat zanjiri” ko‘rgazmasi bo‘lib o‘tadi.
O‘zbekiston texnologik metallar kombinati (TMK) ushbu ko‘rgazmada o‘z stendi bilan ishtirok etib:
“Kon–Metall–Bozor” tamoyiliga asoslangan to‘liq integratsiyalashgan sanoat zanjiri;
yuqori qo'shilgan qiymatga ega mahsulotlari;
ilm-fan, innovatsiya va texnologiyalarga yo‘naltirilgan TMK R&D Parki faoliyati;
istiqbolli investitsiya loyihalarini namoyish etadi.
Shuningdek, ko'rgazma davomida TMK sanoat kooperatsiyasi, investitsiyalarni jalb qilish, texnologiyalar transferi, ilm-fan va ta’lim integratsiyasi, muhandislik, ishlab chiqarish va servis xizmatlari kabi yo‘nalishlar bo‘yicha hamkorlik imkoniyatlarini taqdim etadi.
Sanoat korxonalari, investorlar, ilmiy markazlar, oliy ta’lim muassasalari hamda biznes vakillarini kelajak loyihalari bilan TMK stendida kutib qolamiz.
TMK — kelajak metallari kombinati!
