TMKda Buyuk Britaniyaning Tashqi ishlar, hamdo‘stlik va taraqqiyot idorasi (FCDO) vakillari bilan uchrashuv bo‘lib o‘tdi. Unda ikki tomonlama hamkorlik istiqbollari muhokama qilindi.
Dastlab TMK o‘z faoliyati va amalga oshirilayotgan loyihalar bo‘yicha taqdimot o‘tkazdi, FCDO esa o‘zining Markaziy Osiyodagi missiyasi hamda faoliyat yo‘nalishlari haqida ma’lumot berdi.
Muhokama davomida bir qator dolzarb masalalar ko‘rib chiqildi. Jumladan:
CONNEX tashabbusi orqali hukumatlarga investitsion shartnomalarni manfaatli asosda tuzish imkoniyatlari;
ESG yo‘nalishi bo‘yicha hamkorlik;
Texnik va huquqiy ko‘mak sohalarida hamkorlik imkoniyatlari shular jumlasidandir.
Uchrashuv yakunida tomonlar investitsiyalar, ESG va texnik ko‘mak yo‘nalishlarida hamkorlikni davom ettirishga kelishib oldilar.
Shuningdek, CONNEX kotibiyatining Germaniyadagi vakili Richard Dion bilan videokonferensiya o‘tkazish rejalashtirildi.
