O‘zbekiston texnologik metallar kombinati va Germaniyaning yirik moliya giganti – Landesbank Baden-Württemberg (LBBW) o‘rtasida muhim uchrashuv bo‘lib o‘tdi.
Muzokaralar chog‘ida ikki tomonlama investitsiya hamkorligini kengaytirish, yirik sanoat loyihalarini moliyalashtirish va Yevropa uskunalarini xarid qilish uchun innovatsion moliyaviy mexanizmlar yuzasidan atroflicha fikr almashildi.
LBBW O‘zbekistondagi vakolatxonasi rahbari Aziz Inomxo‘djayev bankning TMK bilan uzoq muddatli va barqaror hamkorlikka tayyor ekanini alohida ta’kidladi.
Uchrashuv yakunida tomonlar kelgusida ustuvor sanoat loyihalarini bosqichma-bosqich amalga oshirish orqali tizimli hamkorlikni yo‘lga qo‘yish borasida kelishib oldilar.
LBBW bilan hamkorlik TMK uchun kritik minerallar va yuqori texnologiyali uskunalar sohasida yangi imkoniyatlar yaratadi.
