TMK bosh ofisida Germaniyaning nufuzli ESCP Biznes maktabi vakili, doktor Fransiska Frank bilan uchrashuv bo‘lib o‘tdi.
Uchrashuv davomida tomonlar TMK mutaxassislarining malakasini oshirish, ayniqsa, korporativ boshqaruv yo‘nalishida zamonaviy ta’lim dasturlarini joriy etish va ikki tomonlama hamkorlikni rivojlantirish masalalarini muhokama qildilar.
Mazkur muloqot TMK uchun Germaniyaning ta’lim standartlari va Yevropaning yetakchi boshqaruv maktabi tajribasini amaliyotga tatbiq etish yo‘lida muhim ahamiyatga ega.
Ma'lumot uchun, ESCP Biznes maktabi— 1819-yilda tashkil etilgan, Yevropaning eng qadimiy va nufuzli biznes maktablaridan biri. Maktab boshqaruv sohasida bakalavr va magistr darajalari, shuningdek korporativ malaka oshirish dasturlarini taklif etadi hamda Financial Times reytingida yuqori o‘rinlarni egallab keladi.
