O‘zbekiston texnologik metallar kombinati bosh ofisida Yaponiyaning nufuzli savdo-investitsiya kompaniyasi “Mitsui & Co.” vakillari bilan muhim uchrashuv bo‘lib o‘tdi.
Unda tomonlar o‘zaro taqdimotlar o'tkazib, faoliyat yo‘nalishlari va yirik loyihalari bilan tanishtirdilar. Istiqbolli hamkorlik yo'nalishlari muhokama qilindi.
Muzokaralar natijasida TMK hamda “Mitsui & Co.” birgalikda molibden mahsulotlarini yapon va Yevropa bozorlariga yetkazib berish hamda tolling xizmatlarini yo’lga qo’yish bo’yicha dastlabgi kelishuvga erishildi.
Ma’lumot uchun, 1947-yilda tashkil etilgan "Mitsui & Co." Yaponiyaning eng yirik sanoat va moliyaviy guruhlaridan biri bo'lib, dunyo bo‘ylab - Shimoliy va Janubiy Amerika, Yevropa, MDH, Osiyo, Afrika, Okeaniya va Yaqin Sharqda faoliyat yuritadi.
Bu hamkorlik xalqaro tajriba va ilg‘or yondashuvlarni milliy sanoatimizga olib kirish, yuqori qo‘shilgan qiymatli mahsulotlar ishlab chiqarish bilan birga, O‘zbekistonning global kritik minerallar bozorida ishonchli hamkor sifatidagi o'rnini yanada mustahkamlaydi.
