TMK hamda Qozog‘iston Mineral xomashyoni kompleks qayta ishlash Milliy markazi vakillari o‘rtasida videokonferensiya bo‘lib o‘tdi.
Muloqot davomida tomonlar quyidagi yo‘nalishlarda hamkorlik imkoniyatlarini muhokama qildilar:
qo‘rg‘oshin saqlovchi chiqindilarni qayta ishlash va ulardan qimmatli komponentlarni ajratib olish;
turli metallurgik jarayonlarda hosil bo‘lgan yuvuvchi kislota eritmalarni maqsadli ravishda qayta ishlash orqali strategik ahamiyatga ega elementlarni samarali ajratib olish;
osmiy, reniy, vismut kabi kamyob elementlarni ajratib olish texnologiyalari.
“Biz bu hamkorlikka allaqachon tayyormiz. Yaqin kelajakda birgalikdagi loyihalarni boshlashga umid qilamiz", - dedi Qozog‘iston Mineral xomashyoni kompleks qayta ishlash Milliy markazi Bosh direktorning ilm-fan bo‘yicha birinchi o‘rinbosari Dosmurat Aytqulov.
Muzokaralar yakunida tomonlar hamkorlik bo‘yicha “yo‘l xaritasi”ni ishlab chiqish, mutaxassislar va texnik bilim almashinuvini yo‘lga qo‘yish hamda uzoq muddatli ilmiy-texnologik hamkorlikni rivojlantirishga kelishib oldilar.
