 (2)_1760954183.jpg)
TMK Frankfurt shahrida o‘tkazilgan “Growth Partner Uzbekistan – Strategy, Projects, Performance” xalqaro biznes forumida mamlakatning muhim xomashyo siyosati va texnologik metallar strategiyasini taqdim etdi.
Tadbir Investitsiyalar, sanoat va savdo vazirligi, Commerzbank va Frankfurt Main Finance hamkorligida tashkil etilib, unda hukumat, bank-moliya institutlari va yirik sanoat kompaniyalari vakillari ishtirok etdilar.
TMK boshqaruv raisi maslahatchisi Han Ilhan “Powering Tomorrow: Securing Critical Technological Metals from Uzbekistan” mavzusidagi taqdimotida kompaniyaning “kon – metall – bozor” tamoyiliga asoslangan to‘liq qiymat zanjiri haqida so‘z yuritdi.
U TMKning:
• Upstream — qazib olish va geologiya-qidiruv ishlari;
• Midstream — metallni qayta ishlash va boyitish;
• Downstream — yuqori qo‘shilgan qiymatga ega mahsulotlar ishlab chiqarish kabi bosqichlarni birlashtirgan integratsion modelini tanishtirdi.
Shuningdek, TMK bugungi kunda 25 dan ortiq strategik metall va mineral resurslar bo‘yicha 100 dan ziyod loyiha ustida ishlayotgani, maxsus texnoparklarda yaratilayotgan rivojlantirish va tadqiqot markazlari hamda xalqaro hamkorlik orqali Yevropa sanoati uchun barqaror, ekologik mas’ul va ishonchli ta’minot manbaini shakllantirayotganini ta’kidladi.
_1760954222.jpg)
_1760954223.jpg)
