TMK hamda geologiya sohasidagi yetakchi ilmiy-tadqiqot markazi Koreya geologiya va mineral resurslar instituti (KIGAM) vakillari o‘rtasida uchrashuv bo‘lib o‘tdi.
KIGAM - Koreyaning geologiya xizmat tashkiloti bo‘lib, foydali qazilmalarni izlash va ularni qayta ishlash texnologiyalarini ishlab chiqish, geologiya sohasidagi ilmiy innovatsiyalar va texnologiyalarni rivojlantirish bilan shug‘ullanadi.
Uchrashuv davomida tomonlar O‘zbekistonning istiqbolli hududlarida o‘zaro hamkorlikda geologiya-qidiruv, burg‘ilash hamda topilgan minerallarning metallurgik xususiyatlarini aniqlash, ularni qayta ishlash bo‘yicha izlanishlar olib borish istiqbollarini muhokama qilishdi.
Ruda geologiya tadqiqotlari markazi rahbari Bumhan Lee minerallarning xususiyatlarini aniqlash, ilmiy tahlil qilish va qayta ishlash bo‘yicha qo‘shma izlanishlar olib borish tarafdori ekanliklarini bildirdi.
Ushbu hamkorlik O‘zbekiston sanoati uchun xalqaro ilmiy tajriba va innovatsion yondashuvlarni transfer qilish imkoniyatlarini kengaytiradi.
