Bugun O‘zbekiston texnologik metallar kombinati rahbariyati va Yevroosiyo Taraqqiyot Banki Sanoat bo‘yicha direksiya direktori Aleksey Rogachevskiy o‘rtasida muhim muzokaralar bo‘lib o‘tdi.
Uchrashuv davomida ikki tomonlama investitsiya hamkorligini kengaytirish, ustuvor sanoat loyihalarini moliyalashtirish imkoniyatlari atroflicha muhokama qilindi.
Aleksey Rogachevskiy Yevroosiyo Taraqqiyot Bankining TMK bilan istiqbolli loyihalarni birgalikda amalga oshirishga tayyor ekanligini bildirdi. Shuningdek, bank Yevropa moliyaviy institutlari bilan sindikat kredit liniyalarini yo‘lga qo‘yish imkoniyatlarini taklif etdi.
Uchrashuv yakunida tomonlar sanoat sohasidagi ustuvor loyihalarni bosqichma-bosqich amalga oshirish orqali tizimli hamkorlikni yo‘lga qo‘yish borasida kelishib oldilar.
