Mining & Metals Central Asia 2025 ko’rgazmasi doirasida TMK vakillari 50 dan ortiq xalqaro kompaniyalar, investorlar va sanoat mutaxassislari bilan faol muzokaralar olib bordi.
Bu kompaniyalar qatorida dunyoning eng yirik konchilik va texnologiya gigantlari, jumladan, Yaponiyaning “Mitsubishi Materials”, Shveytsariyaning “Glencore”, Finlyandiyaning “Metso”, Kanadaning “Silvercorp Metals”, Avstraliyaning “ALS” va “Mineral Technologies”, Niderlandiyaning “IHC Mining” kabi kompaniyalari o’rin olgan.
Shuningdek, ko’rgazma davomida TMK bir qator samarali kelishuvlarga ham erishib, "Sunward", "Mineral Technologies", "Glencore", “Институт ДВ Сокольский” kabi 4 ta yirik xalqaro kompaniyalar bilan hamkorlik memorandumlarini imzoladi.
Mining&Metals Central Asia2025 ko’rgazmasining eng unutilmas voqeasi esa TMK jamoasining “Eng yaxshi stend” nominatsiyasi g’olibi bo’lganidir.
Ko‘rgazmada ishtirok etgan 500 ta kompaniya orasidan aynan TMKning ushbu nominatsiyaga loyiq topilgani — katta yutuqdir
