Global iqtisodiyotda magniy tobora muhim resursga aylanmoqda. Elektromobillar, aerokosmik sanoat va energiya texnologiyalarida yengil va mustahkam materiallarga ortib borayotgan ehtiyoj magniyni “kelajak metallari” darajasiga ko‘tardi.
Shu jarayonda O‘zbekiston texnologik metallar kombinati (TMK) dunyoning eng nufuzli sanoat uyushmalaridan biri — Xalqaro magniy assotsiatsiyasiga (IMA) a’zo bo‘ldi. Mazkur a’zolik O‘zbekiston sanoati uchun uch darajadagi yangi transformatsiyani anglatadi:
Texnologik daraja:
Magniyni ajratib olish va yuqori qo‘shilgan qiymatli mahsulot ishlab chiqarishda ilg‘or texnologiyalarni o‘zlashtirish;
Ilmiy va intellektual daraja:
Global ekspertlar, laboratoriyalar va ilmiy markazlar bilan qo‘shma tadqiqotlar olib borish;
Geoiqtisodiy daraja:
O‘zbekiston magniy bo‘yicha global ta’minot zanjiriga ulash va eksport geografiyasini kengaytirish.
TMKning Xalqaro magniy assotsiatsiyasiga qo‘shilishi O‘zbekistonning barqaror sanoat rivojlanishi yo‘lidagi yana bir qat’iy qadami bo’ldi. Chunki magniy qayta ishlanishi mumkin bo‘lgan ekologik materiallardan biri.
TMK bugun resurslardan tayyor mahsulotlargacha bo‘lgan qiymat zanjirini to‘liq qamrab olib, O‘zbekistonning yangi sanoat konsepsiyasini amalda namoyon etmoqda.
Ma’lumot uchun: Xalqaro magniy assotsiatsiyasi magniy sohasida bilim, innovatsiya va siyosat chorrahasidagi markaz bo‘lib, uning tarkibida 75 dan ortiq kompaniyalar, ilmiy markazlar va sanoat yetakchilari birlashgan.
