O‘zbekiston texnologik metallar kombinati raqamli transformatsiya yo‘lida shiddat bilan bormoqda. TMKda Avstraliyaning “Datamine Software” kompaniyasi bosh ijrochi direktori Sandeep Ray bilan o'tkazilgan uchrashuv ham bu yo'ldagi muhim harakatlardan biri bo'ldi.
Uchrashuvda TMK hamda dunyo bo‘ylab konchilik, geologiya va mineral resurslar sohasi uchun maxsus dasturiy ta’minot ishlab chiqishga ixtisoslashgan mazkur kompaniya o'rtasida Anglashuv memorandumi imzolandi. Kelishuvga ko‘ra TMK ishlab chiqarish majmualaridan birida "Datamine Software" kompaniyasining maxsus dasturiy ta’minoti sinov tariqasida ishga tushiriladi.
Datamine Software bosh ijrochi direktori Sandeep Ray inson omili xavflarini oldini olish maqsadida ishlab chiqaruvchidan to qabul qiluvchigacha bo‘lgan logistika jarayoni bo‘yicha raqamlashtirishni taklif qildi. Kombinatning Xitoyning Uxan Universiteti bilan hamkorligini alohida e'tirof etib, O'zbekistonning sohada qator yutuqlarga erishayotganini ta'kidladi.
Shuningdek, uchrashuvda Ingichka boyitish fabrikasi hamda Nodir metallar va qattiq qotishmalar ishlab chiqarish zavodida ham raqamlashtirish bo‘yicha takliflar muhokama qilindi.
