O‘zbekiston texnologik metallar kombinati hamda O‘zbekistondagi University of Business and Science (UBS) o‘rtasida innovatsiya va texnologik taraqqiyot yo‘nalishida 2026-yilda amalga oshirilishi rejalashtirilgan tashabbusli loyihalar bo‘yicha “Yo‘l xaritasi” imzolandi.
Mazkur hamkorlik Prezidentimiz Shavkat Mirziyoyev tomonidan izchil ilgari surilayotgan ta’lim va sanoatni uzviy bog‘lash tashabbuslarining amaliy ifodasidir.
Kelishuv doirasida tomonlar:
➡️muhandislik ta’limini rivojlantirish;
➡️AQShning yetakchi universiteti bilan hamkorlikda Muhandislik maktabini tashkil etish hamda amaliy mashg‘ulotlarni TMK bazasida o‘tash;
➡️Markaziy Osiyoda ilk bor yangi turdagi aerokosmik va yuqori haroratlarda ishlovchi materiallarni, shuningdek, yarim sanoat mahsulotlarini ishlab chiqarish kabi bir qator mavzularni qamrab oldi.
Mazkur hamkorlik 2026-yil davomida yuqori malakali muhandis kadrlarni tayyorlash, zamonaviy texnologiyalarni joriy etish va ta’lim–sanoat integratsiyasini yanada mustahkamlashga va jahon bozorida yangi turdagi mahsulotlarni ishlab chiqarish sinovlarini o‘tkazishga xizmat qiladi.
_1766816989.jpg)
_1766816989.jpg)
