“Prezident Shavkat Mirziyoyev O‘zbekistonning navbatdagi maqsadi – togʻ-kon sanoatida yetakchiga aylanish va 2030-yilgacha YIM hajmini yanada oshirishdan iboratligini aytdi. Hozirda O‘zbekistonning foydali qazilma zaxiralari 3 trillion AQSh dollariga baholanmoqda”, deydi MINEX Forumi Ijroiya qo‘mitasi raisi Artur Polyakov forumning ochilish marosimida.
U forumning asosiy yo‘nalishlari, kritik foydali qazilmalar bo‘yicha global raqobatda Markaziy Osiyoning strategik o‘rni haqida nutq soʻzlab, rasmiy tarzda forumni ochib berdi.
Shundan so‘ng ishtirokchilarga O‘zbekistonning tog‘-kon sanoati, kritik metallar sohasidagi salohiyati va innovatsion imkoniyatlariga bag‘ishlangan video namoyish etildi.
“Maqsadimiz Oʻzbekistonni faqat xomashyo eksporti emas, chuqur qayta ishlash sohasida ham global markazga aylantirishdir”, deydi TMK Boshqaruv raisi Farhod Abdullayev.
Ochilish marosimi mintaqaviy va global miqyosdagi sanoat rahbarlari, siyosatchilar hamda xalqaro investorlarni bir sahnaga jamladi.
Forum tafsilotlarini biz bilan kuzatib boring.
