Mamlakatimizda har yili may oyining uchinchi yakshanbasi “O‘zbekiston Respublikasi konchilik va metallurgiya sanoati xodimlari kuni” sifatida keng nishonlanadi.
Ana shu kasb bayrami munosabati bilan bugun O‘zbekiston texnologik metallar kombinati qoshidagi Nodir metallar va qattiq qotishmalar ishlab chiqarish zavodida tantanali tadbir tashkil etildi.
Tadbir davomida kombinatimizda uzoq yillardan buyon samarali mehnat qilib kelayotgan, o‘zining fidoyiligi, kasbiy mahorati va mas’uliyatli faoliyati bilan soha rivojiga munosib hissa qo‘shgan bir guruh xodimlar munosib taqdirlandi.
Xususan, O‘zbekiston Tog‘-kon sanoati va geologiya vazirligi farmoyishiga muvofiq, konchilik va metallurgiya sohasidagi samarali mehnati hamda fidokorona xizmati uchun bir qator xodimlar vazirlikning “Faxriy yorlig‘i” bilan taqdirlandi.
Shuningdek, o‘zining ko‘p yillik halol mehnati, yuqori mas’uliyati va kombinat taraqqiyotiga qo‘shgan munosib hissasi uchun xodimlarga TMKning “Mehnat faxriysi” ko‘krak nishoni topshirildi.
O‘zbekiston texnologik metallar kombinati jamoasi barcha konchilar, metallurglar, muhandislar va soha fidoyilarini kasb bayrami bilan samimiy muborakbod etadi.
Bayramingiz muborak bo‘lsin!
