Samarqand shahrida o‘tkazilayotgan Eco Expo Central Asia 2026 xalqaro ko‘rgazmasida O‘zbekiston texnologik metallar kombinati (TMK) faol ishtirok etmoqda.
Ko‘rgazma doirasida TMK tomonidan qator kompaniyalar bilan muzokaralar olib borilib, amaliy hamkorlikni rivojlantirishga qaratilgan memorandumlar imzolandi:
AGT Aqua Global Technology xalqaro kompaniyasi bilan oqova suvlarni zamonaviy texnologiyalar asosida tozalash va suv resurslarini samarali boshqarish yo‘nalishlarida hamkorlik memorandumi imzolandi.
AURIS Greentech kompaniyasi bilan imzolangan memorandum ham oqova suvlarni zamonaviy texnologiyalar asosida tozalash hamda yashil texnologiyalarni joriy etish yo'nalishlarini qamrab oldi.
Ekologik texnologiyalar bo'yicha yetakchi kompaniyalardan biri TONEXUS bilan karbonat angidrid (CO₂) va azot oksidlari (NOₓ) emissiyalarini kamaytirish bo‘yicha hamkorlik memorandumi imzolandi.
TMK Eco Expo Central Asia 2026 doirasida xalqaro hamkorlar, investorlar va texnologik kompaniyalar bilan yangi loyihalarni muhokama qilishda davom etmoqda.
