Konchilik va metallurgiya sanoati xodimlari kuni munosabati bilan Samarqand viloyatida joylashgan, O‘zbekiston texnologik metallar kombinati tasarrufidagi Ingichka boyitish fabrikasida bayram tadbiri tashkil etildi.
Tadbir davomida fabrikada uzoq yillardan buyon samarali mehnat qilib kelayotgan, o‘zining fidoyiligi, mas’uliyati va kasbiy mahorati bilan jamoaga o‘rnak bo‘lib kelayotgan bir guruh xodimlar munosib taqdirlandi.
Xususan, bir qator xodimlarga TMKning “Mehnat faxriysi” ko‘krak nishoni topshirildi. Shuningdek, fidoyi mehnat egalari faxriy yorliq hamda esdalik sovg‘alari bilan taqdirlandi.
Bayram tadbiri ko‘tarinki kayfiyat, samimiy tabriklar va e’tirof ruhida o‘tdi.
O‘zbekiston texnologik metallar kombinati barcha konchilar, metallurglar va soha fidoyilarini kasb bayrami bilan samimiy muborakbod etadi.
