TMKda BAAning NUQI Wealth kompaniyasi vakillari bilan uchrashuv bo‘lib o‘tdi. Uchrashuv davomida TMK tomonidan amalga oshirilayotgan istiqbolli loyihalarni moliyalashtirish mexanizmlari va hamkorlik imkoniyatlari muhokama qilindi.
NUQI Wealth - Dubay xalqaro moliya markazida (DIFC) joylashgan va Dubay moliyaviy xizmatlar organi (DFSA) tomonidan litsenziyalangan moliyaviy konsalting va boyliklarni boshqarish kompaniyasi hisoblanadi. Kompaniya aktivlarni boshqarish, xususiy banking hamda investitsion banking yo‘nalishlarida faoliyat yuritadi.
Muzokaralar TMK loyihalarini xalqaro moliya institutlari va xususiy investorlar ishtirokida moliyalashtirish imkoniyatlarini kengaytirish, shuningdek, kelgusida samarali va uzoq muddatli hamkorlikni yo‘lga qo‘yish istiqbollarini belgilashga xizmat qildi.
