Ayni kunlarda O‘zbekiston texnologik metallar kombinati (TMK) tasarrufidagi TMK Chemicals — sulfat kislota ishlab chiqarish zavodining bir guruh mutaxassislari Wylton China Chemical Co., Ltd. kompaniyasida malaka oshirmoqda.
Maxsus o‘quv dasturi doirasida ular zamonaviy sulfat kislota ishlab chiqarish texnologiyalarini bevosita ishlab chiqarish jarayonida o‘rganmoqda.
O‘quv dasturi davomida:
- zamonaviy sulfat kislota ishlab chiqarish texnologiyalari;
- ishlab chiqarish jarayonlarini boshqarish va nazorat qilish;
- zamonaviy uskunalarning ishlash tamoyillari;
- ishlab chiqarishdagi ilg‘or amaliy tajribalar;
- texnologik jarayonlarda xavfsizlik va samaradorlikni ta’minlash yondashuvlari o‘rganilmoqda.
Malaka oshirish dasturi TMK Chemicals’ning yangi ishlab chiqarish quvvatlarini zamonaviy texnologiyalarni mukammal boshqara oladigan yuqori malakali kadrlar bilan ta’minlashga qaratilgan.
TMK Chemicals nafaqat yangi ishlab chiqarish quvvatini yaratmoqda, balki uni boshqaradigan yangi avlod sanoat mutaxassislarini ham tayyorlamoqda.
