O‘zbekiston texnologik metallar kombinati (TMK) tog‘-kon va geologiya sohasidagi innovatsion g‘oyalar, texnologik yechimlar va ishlab chiqarishni takomillashtirishga qaratilgan takliflarni qo‘llab-quvvatlash maqsadida “Yilning eng yaxshi ratsionalizatorlik taklifi” tanlovini e’lon qiladi.
Takliflar quyidagi yo‘nalishlar bo‘yicha qabul qilinadi:
- kon qazish jarayonlarini takomillashtirish;
foydali qazilmalarni qazib olish va qayta ishlash texnologiyalari;
energiya va resurslardan samarali foydalanish;
ishlab chiqarishda ekologik xavfsizlikni oshirish;
raqamlashtirish, avtomatlashtirish va sun’iy intellekt texnologiyalari;
geologiya-qidiruv ishlarini samarali tashkil etish;
metallurgiya, boyitish va texnologik jarayonlarni optimallashtirish;
mehnat unumdorligi va ishlab chiqarish xavfsizligini oshirish.
Tanlov g‘oliblari quyidagi nominatsiyalar bo‘yicha aniqlanadi va bir martalik pul mukofotlari bilan taqdirlanadi:
- Yilning eng yaxshi ratsionalizatori - mehnatga haq to‘lashning 10 barobari miqdorida;
- Yilning eng amaliy foydali taklifi - mehnatga haq to‘lashning 7 barobari miqdorida;
- Innovatsion yondashuv uchun - mehnatga haq to‘lashning 5 barobari miqdorida;
- Yosh ratsionalizator (35 yoshgacha) - mehnatga haq to‘lashning 3 barobari miqdorida.
Arizalarni qabul qilish 15-iyungacha davom etadi.
Tanlov shartlari haqida batafsil tanishing:
🔗 Tanlov nizomi
🔗Arizalar quyidagi havola orqali qabul qilinadi:
TMK bilan birga innovatsiyalarni natijaga aylantiring!
