O‘zbekiston texnologik metallar kombinati tasarrufidagi R&D Park va Belarus Respublikasi ilmiy-ishlab chiqarish birlashmasi o‘rtasida hamkorlikni rivojlantirishga qaratilgan anglashuv memorandumi imzolandi.
Uchrashuv TMK bosh ofisida bo‘lib o‘tdi va unda Belarus Respublikasi ilmiy-ishlab chiqarish birlashmasi bilan istiqbolli hamkorlik yo‘nalishlari muhokama qilindi.
Muzokaralar doirasida:
➡️Zamonaviy texnologiyalar transferi va ularni TMK loyihalarida joriy etish;
➡️R&D Park doirasida rezidentlik va qo‘shma innovatsion loyihalarni rivojlantirish;
➡️Toshkent shahrida qo‘shma laboratoriya yoki injiniring markazini tashkil etish;
➡️2025–2027-yillar loyihalar portfeli doirasida texnik hamkorlikni kengaytirish bo’yicha ustuvor yo‘nalishlar belgilandi.
🧊 Tomonlar uzoq muddatli hamkorlikni rivojlantirishga o‘zaro tayyor ekanliklarini bildirdilar. Mazkur hamkorlik memorandumi esa texnologiyalar transferi, qo‘shma ilmiy-tadqiqot loyihalari va R&D Park doirasida xalqaro hamkorlikni yanada kengaytirish uchun mustahkam asos yaratadi.
