TMK va Janubiy Koreyaning yetakchi ilmiy-tadqiqot markazlaridan biri — Nanostructured Materials Laboratory R&D Center o‘rtasida muhim hamkorlik yo‘lga qo‘yildi. Shuningdek, TMK R&D Parki ushbu markaz bilan barcha yo‘nalishlar bo‘yicha qo‘shma faoliyat olib boradi.
Sejong University tarkibidagi ushbu ilg‘or ilmiy markaz materialshunoslik sohasida yetakchi olim, professor Kim Ki Buem rahbarligida faoliyat yuritib, nanostrukturali hamda yuqori mustahkam qotishmalarni ishlab chiqishga ixtisoslashgan.
Hamkorlikning asosiy yo‘nalishlari:
➡️ Muhandislarni tayyorlash – qisqa va uzoq muddatli o‘quv tashriflari, ma’ruzalar va treninglar;
➡️ Qo‘shma akademik hamkorlik – konferensiya, seminar, workshop va qo‘shma tadqiqotlar;
➡️ Yangi materiallar sohasida hamkorlik – ilg‘or materiallarni yaratish va pilot miqyosdagi tajribalar.
Hamkorlik natijasida quyidagi mahsulotlarni ishlab chiqarish va sanoatga keng joriy etish ko‘zda tutilgan:
⚫️ Yuqori haroratga chidamli yangi qotishmalar;
⚫️ Konchilik sanoati uchun mustahkam po‘latlar;
⚫️ Konchilik va metallurgiya uchun bolg‘alanuvchi cho‘yanlar;
⚫️ Avtomobilsozlik va aviatsiya sanoati uchun ilg‘or qotishmalar.
Mazkur markaz tomonidan ishlab chiqilgan innovatsion qotishmalar bugungi kunda Koreya Respublikasining yirik avtomobil ishlab chiqaruvchilari tomonidan ishlab chiqarish jarayonlarida faol qo‘llanilmoqda.
