2025-yilda elektromobillar, energiya saqlash tizimlari va data-markazlar rivoji ortidan grafitga bo‘lgan talab oshib ketdi.
Joriy yilda tabiiy grafit qazib olishning qariyb 65 foizi, grafitni qayta ishlashning 85–90 foizi Xitoy hissasiga to'g'ri keldi.
Shuningdek, grafit bozori ichida texnologik ajralish yuz berdi. Ya'ni energiya zichligi yuqori bo'lgan sun’iy grafit va ekologik jihatdan maqbulroq bo'lgan tabiiy grafit. ESG talablari kuchaygan sari, yuqori tozalikdagi tabiiy grafit ustunlikka ega bo‘la boshladi.
Bu esa Markaziy Osiyo, Afrika va Kanada konlariga qiziqishni oshirdi.
Yil davomida grafit bilan bog‘liq konchilik va qayta ishlash loyihalariga investorlar qiziqishi keskin oshdi. Kapital oqimi ayniqsa ESG talablariga mos, qayta ishlash zanjiri mavjud bo'lgan loyihalarga yo‘nala boshladi.
IEA tahlillariga ko'ra, 2030-yilga borib batareyalar uchun grafitga bo‘lgan talab kamida 2,5 baravar oshadi. Jahon banki esa grafitni yaqin 10–15 yil davomida eng tez o‘suvchi kritik minerallardan biri sifatida qayd etmoqda.
