O‘zTMK geologlari uchun Kanadaning SGS kompaniyasi ishtirokida mineralogik tahlilga oid seminar-trening tashkil etildi.
Seminar litiy, kamyob yer elementlari va niobiy kontekstida ilg‘or tahlil usullariga bag‘ishlandi. Dr. Tassos Grammatikopulos QEMSCAN, TEMA, elektron mikroskopiya va rentgen difraksiyasi kabi zamonaviy vositalar haqida taqdimot qildi.
Shuningdek, seminar-treningda flotatsiya jarayonida mineral tuzilmalarning roli, yengil elementlarni aniqlashdagi murakkabliklar va SGS Lakefield laboratoriyasi imkoniyatlari ham muhokama qilindi.
Ma'lumot uchun, SGS dunyodagi eng yirik tekshiruv, ekspertiza, sinov va sertifikatlash xizmatlarini ko‘rsatuvchi tashkilot bo‘lib, 100 dan ortiq mamlakatlarda faoliyat yuritadi.
_1746705616.jpg)
