O‘zbekiston texnologik metallar kombinati (TMK) bosh ofisida konchilik sanoatida ESG tamoyillarini rivojlantirishga bag‘ishlangan maxsus seminar tashkil etildi.
Seminarda “Nurlikum Mining Uzbek-French Joint Venture” korxonasining CSR & COM menejeri, ICMM bilan 20 yildan ortiq professional tajribaga ega xalqaro ESG maslahatchisi Casilda Malagon spiker sifatida ishtirok etdi.
Tadbir davomida konchilik sanoatida ekologik barqarorlik, ijtimoiy mas’uliyat va korporativ boshqaruvning zamonaviy yondashuvlari, xalqaro standartlar hamda amaliy ESG instrumentlari yuzasidan munozara o‘tkazildi.
Bugungi kunda TMK ESG tamoyillarini korporativ boshqaruv, sanoat xavfsizligi, ekologik mas’uliyat va innovatsion ishlab chiqarish bilan uyg‘unlashtirgan holda zamonaviy yashil sanoat modelini shakllantirish ustida izchil ish olib bormoqda.
