Mintaqadagi eng yirik investitsion tadbirlardan biri — "Toshkent xalqaro investitsiya forumi 2026" 16–19 iyun kunlari o‘zining 5-yubileyini o‘tkazadi.
Joriy yilgi forum “Investitsion barqarorlik: yangi ufqlar, yangi hamkorliklar” shiori ostida bo‘lib o‘tadi. Mazkur nufuzli platforma Markaziy Osiyoning investitsiya, biznes va davlat sektori yetakchilarini bir maydonda jamlaydi.
Forumning asosiy yo‘nalishlaridan biri — kritik minerallar va global ta’minot zanjiri barqarorligi masalalaridir. Aynan ushbu strategik yo‘nalishda O'zbekiston texnologik metallar kombinati o‘zining yuqori salohiyati, sanoat qudrati va istiqbolli loyihalari bilan ishtirok etadi.
TMK forum va ko‘rgazma doirasida quyidagilarni namoyish etadi:
✔️ kritik minerallar va texnologik metallar bo‘yicha mahsulotlar portfeli;
✔️ yuqori qo‘shilgan qiymatli qayta ishlash loyihalari;
✔️ innovatsion sanoat yechimlari va yangi ishlab chiqarish quvvatlari;
✔️ raqamlashtirish, sun’iy intellekt tashabbuslari;
✔️ ESG, ekologik mas’uliyat va zamonaviy boshqaruv standartlari;
✔️ “Mine–Metal–Market” tamoyiliga asoslangan to‘liq integratsiyalashgan ekotizim.
Agar siz kritik minerallar, smarali hamkorlik yoki uzoq muddatli sanoat o‘sishi imkoniyatlarini izlayotgan bo‘lsangiz — Toshkent xalqaro investitsiya forumi doirasida TMK bilan uchrashuvni albatta kun tartibingizga kiritishingiz kerak.
O'zbekiston bugun yangi imkoniyatlar markaziga aylanmoqda. Sizni O'zbekiston texnologik metallar kombinati bilan istiqbolli hamkorlik imkoniyatlarini muhokama qilish uchun TIIF 2026 maydonida kutib qolamiz.
