Ayni kunlarda Ostona shahrida Mintaqaviy ekologik sammit – 2026 “Barqaror kelajak uchun umumiy qarash” shiori ostida o‘z ishini boshladi. Nufuzli xalqaro tadbirda Markaziy Osiyo davlat rahbarlari, xalqaro tashkilotlar, yirik moliya institutlari, biznes doiralari, ilmiy hamjamiyat va fuqarolik jamiyati vakillari ishtirok etmoqda.
O‘zbekiston texnologik metallar kombinati ham mazkur sammitda ESG yo‘nalishidagi amaliy natijalari hamda xalqaro hamkorlik tashabbuslari bilan faol ishtirok etdi.
Sammit doirasida TMK uchun qator samarali uchrashuv va muzokaralar o‘tkazilib, muhim kelishuvlarga erishildi. Jumladan:
Qozog‘iston Respublikasining Faxriy konsulligi bilan savdo aloqalarini rivojlantirish, eksportni kengaytirish, investitsiyalarni jalb etish hamda qo‘shma sanoat va innovatsion loyihalarni amalga oshirish bo‘yicha;
Dominion Environmental Services bilan texnogen chiqindilarni boshqarish, ekologik yechimlarni joriy etish va atrof-muhitni muhofaza qilish yo‘nalishida;
IPROFI.PRO bilan ERP tizimlarini joriy etish, ishlab chiqarish va boshqaruv jarayonlarini raqamlashtirish hamda qo‘shma loyihalarni amalga oshirish yuzasidan hamkorlik memorandumlari imzolandi.
TMK xalqaro maydonda barqaror sanoat, innovatsiya va ekologik mas’uliyat tamoyillariga sodiq holda yangi hamkorlik ufqlarini kengaytirishda davom etmoqda.
