O‘zbekiston texnologik metallar kombinati (TMK) bosh ofisida AECOM Technical Services kompaniyasi hamda AQSH tomoni vakillari bilan uchrashuv bo‘lib o‘tdi.
Muloqot davomida TMKning kritik va strategik minerallar sohasidagi faoliyati, mavjud ishlab chiqarish va resurs salohiyati, shuningdek, istiqbolli investitsiya loyihalarini amalga oshirish bo‘yicha olib borilayotgan ishlar yuzasidan batafsil axborot taqdim etildi.
Uchrashuvning asosiy mavzularidan biri PGI/TCTR dasturi doirasida TMK bilan sanoat hamkori sifatida hamkorlikni yo‘lga qo‘yish va ushbu yo‘nalishdagi amaliy imkoniyatlarni rivojlantirish masalasi bo‘ldi.
Tomonlar dastur doirasida istiqbolli loyihalarni texnik-iqtisodiy jihatdan baholash, ularning investitsiyaviy jozibadorligini oshirish, xalqaro moliya institutlari va investorlarni jalb etishga tayyorlash, shuningdek, zarur texnik va tranzaksiyaviy ko‘mak mexanizmlari yuzasidan fikr almashdilar.
Shuningdek, AECOM tomonidan istiqbolli loyihalarni saralash, texnik-iqtisodiy, moliyaviy va tranzaksiyaviy ekspertizadan o‘tkazish hamda moliyalashtirishga tayyorlash bo‘yicha hamkorlik imkoniyatlari ko‘rib chiqildi.
Uchrashuv yakunida tomonlar PGI/TCTR dasturi doirasida TMK bilan sanoat hamkorligini rivojlantirish, istiqbolli loyihalarni xalqaro talablar asosida tayyorlash hamda ularni moliyalashtirishga tayyorlash bo‘yicha muloqotni izchil davom ettirishga kelishib oldilar.
#TMK #AECOM #CriticalMinerals #Investment #IndustrialCooperation #ProjectFinance #Uzbekistan #GlobalPartnerships
