O‘zbekiston texnologik metallar kombinati (TMK) hamda AQShning nufuzli xalqaro kompaniyasi Traxys North America LLC o'rtasida hamkorlik memorandumi imzolandi.
Traxys — metall va minerallar savdosi, logistika va moliyalashtirishni yagona tizimga birlashtirgan yirik global kompaniya bo‘lib, u ishlab chiqaruvchi va yakuniy iste’molchi o‘rtasida strategik ko‘prik vazifasini bajaradi.
Mazkur memorandum doirasida tomonlar quyidagi yo‘nalishlarda hamkorlik qiladi:
- global ta’minot zanjirlarini shakllantirish;
-uzoq muddatli offtake shartnomalari;
- investitsiya loyihalarini moliyalashtirish;
- qo‘shma loyihalarni strukturaviy rivojlantirish.
Hamkorlik TMK uchun bir vaqtning o‘zida uchta strategik ustunlikni beradi:
- global bozorlarga to‘g‘ridan-to‘g‘ri chiqish;
- yirik loyihalar uchun zamonaviy moliyalashtirish mexanizmlariga kirish;
- mahsulotlar uchun barqaror va uzoq muddatli talabni shakllantirish.
Traxys bilan hamkorlik TMKning “mine–metal–market” integratsiyalashgan modelini yanada kuchaytirib, qazib olishdan tortib yuqori qo‘shilgan qiymatli mahsulotlarni xalqaro bozorlarga yetkazib berishgacha bo‘lgan to‘liq qiymat zanjirini mustahkamlaydi.
Shu bilan birga, mazkur hamkorlik aloqalarining o'rnatilishi O‘zbekistonning boy geologik salohiyati va professional boshqaruvga ega, ishonchli hamkor sifatidagi o'rni nufuzli xalqaro doiralarda e'tirof etilayotganini anglatadi.
O‘zbekiston kritik minerallar sohasida ochiq, barqaror va uzoq muddatli hamkorlikka tayyor.
