Ayni paytda TMK delegatsiyasi amaliy tashrif bilan Xitoyda bo'lib turibdi. Bugun delegatsiya a'zolari Pekin shahridagi global iqtisodiyot bo'yicha yetakchi universitet — University of International Business and Economics (UIBE) bilan samarali muzokaralar o‘tkazdi.
Uchrashuv davomida tomonlar jahon savdo iqtisodiyoti yo‘nalishida ilmiy-tadqiqot faoliyatini rivojlantirish, global savdo jarayonlari, xalqaro bozorlar tendensiyalari hamda zamonaviy iqtisodiy tahlil mexanizmlarini muhokama qildilar.
Muzokaralar yakunida xalqaro savdo iqtisodiyoti va biznes boshqaruvi yo‘nalishlarida qo‘shma o‘quv dasturlarini ishlab chiqish bo‘yicha hamkorlik shartnomasi imzolandi.
Ushbu hamkorlik Toshkentdagi Piza universiteti filiali bilan integratsiyalashgan holda ta’lim–fan–ishlab chiqarish zanjiriga asoslangan yangi ta’lim modelini shakllantirishga qaratilgan bo‘lib, real bozor ehtiyojlariga mos, raqobatbardosh mutaxassislar tayyorlashga xizmat qiladi.
Ma'lumot uchun, University of International Business and Economics (UIBE) — Xitoyning xalqaro savdo, global iqtisodiyot va biznes boshqaruvi yo‘nalishlari bo‘yicha yetakchi oliy ta’lim muassasalaridan biri bo‘lib, xalqaro reytinglarda yuqori o‘rinlarni egallab keladi.
