Toshkent shahrida tashkil etilgan yangi oliy ta’lim muassasasi "ToshTech" universitetining tantanali ochilish marosimi doirasida TMK va “ToshTech” o‘rtasida anglashuv memorandumi imzolandi.
Hamkorlik O‘zbekistonda muhandislik (materialshunoslik, sun’iy intellekt, ishlab chiqarishni avtomatlashtirish, energetika, mexatronika) yo‘nalishlarida uzoq muddatli, tizimli hamkorlikni yo‘lga qo‘yishga qaratilgan.
Shuningdek, hamkorlik doirasida:
✔️TMK ehtiyojlaridan kelib chiqib materialshunoslik sohasida muhandis kadrlar tayyorlash;
✔️talabalarni amaliyot, stajirovka va real sanoat loyihalariga jalb etish;
✔️muhandislik va texnologiyalar bo‘yicha qo‘shma R&D va innovatsion loyihalarni amalga oshirish;
✔️TMK mutaxassislari uchun malaka oshirish va qayta tayyorlash dasturlarini yo‘lga qo‘yish;
✔️qo‘shma grantlar va ilg‘or texnologik yechimlarni ishlab chiqish ko‘zda tutilgan.
Mazkur hamkorlik O‘zbekiston sanoati uchun amaliy tajribaga ega muhandislar va tadqiqotchilarni shakllantirib, ta’lim–ilm-fan–sanoat integratsiyasini kuchaytiradi.
